ढक्का शिविरमा घुस्यो जंगली हात्ती, १३ टहरा भत्कायो
कञ्चनपुरको लालझाडी गाउँपालिकास्थित ढक्का शिविरमा जंगली हात्तीले आतंक मच्चाएको छ ।
गएराति ढक्का शिविर प्रवेश गरेको जंगली हात्तीको बथानले आरक्षपीडितका १३ टहरा भत्काएको छ ।
जंगली हात्तीको बथानले दर्जन बढी घरटहरा भत्काई भण्डार गरिएको खाद्यान्न र खेतमा लगाएको गहुँ बाली समेत नष्ट गरेको आरक्षपीडित संघर्ष समिति कञ्चनपुरका अध्यक्ष हिरासिंह भण्डारीले जानकारी दिए ।
हात्तीको बथानले घरटहरा भत्काएपछि पीडित परिवारको थप विचल्ली भएको छ भने पुरै बस्ती त्रसित बनेको छ ।
१२ माघ २०७७, सोमवार १५:२७ बजे प्रकाशित
