कैलालीमा भन्सार छली ल्याएको सामान बरामद
कैलालीको धनगढी उपमहानगरपालिकाका विभिन्न स्थानबाट भन्सार छली गरी ल्याईएका सामानहरु प्रहरीले बरामद गरेको छ ।
चोरी पैठारी गरी ल्याइएका बेवारिसे रुपमा रहेका खाद्यान्न, लत्ताकपडा, ईलेक्ट्रिक समान र भाँडा वर्तन गरी करिब १ लाख ३८ हजार रुपैयाँ बराबरको सामान जिल्ला प्रहरी कार्यालय कैलालीबाट खटिएको प्रहरीले बरामद गरेको हो ।
विभिन्न मितिमा बरामद गरेको उक्त सामान आवश्यक कारबाहीका लागि त्रिनगर भन्सार कार्यालय कैलालीमा पठाइएको जिल्ला प्रहरी कार्यालय कैलालीका प्रवक्ता नायक उपरिक्षक प्रतिप बिष्टले जानकारी गराए ।
८ पुस २०७७, बुधवार १२:०९ बजे प्रकाशित
