कञ्चनपुरको दक्षिणी क्षेत्र पुनर्वास नगरपालिकामा छोराले ढुङ्गा प्रहार गरेर आफ्नै आमाको हत्या गरेका छन् ।

पुनर्वास नगरपालिका ६५ बिगाह शिविर टोलका वर्ष ३५ का पप्पु बादीले हिजो राति ढुङ्गा प्रहार गरेर अन्दाजी ५० वर्षकी पार्वती बादीको हत्या गरेका हुन् ।
सामान्य विवादमा छोराले ढुङ्गा प्रहार गर्दा आमाको मृत्यु भएको ईलाका प्रहरी कार्यालय त्रिभुवनबस्तीका प्रहरी निरीक्षक कैलाशसिंह बिष्टले जानकारी दिए । हत्यामा संलग्न छोरालाई नियन्त्रणमा लिइसकेको उनले बताए ।

९ कात्तिक २०७७, आइतवार ०८:५५ बजे प्रकाशित