होटलमा बेहोस भएका व्यक्तिको मृत्यु
होटलमा बेहोस भएका बैतडीका एक जनाको मृत्यु भएको छ ।
मेलौली नगरपालिका-७ को एक होटेलमा शनिवार बेहोस भएका पञ्चेश्वर गाउँपालिका(२ का ५७ वर्षीय रनि चन्दको मृत्यु भएको हो ।
जिल्ला प्रहरी कार्यालय बैतडीका अनुसार भारतबाट आएका चन्द जेठ ११ गतेदेखि रिसब होटेलमा बस्दै आएका थिए ।
शनिवार बिहान होटेलका कर्मचारीले खाना खानका लागि बोलाउन जाँदा उनलाई बेहोस अवस्थामा फेला परेका थिए ।
उनको केशरपुर प्राथमिक स्वास्थ्य केन्द्र मेलौलीमा उपचारका क्रममा मृत्यु भएको हो ।
उनको मृत्युको कारण भने खुल्न सकेको छैन । उनको पोष्टमाटमपछि शव परिवारले बुझेको छ । घटनाबारे प्रहरीले छानबिन गर्दै छ ।
१४ जेठ २०८०, आइतवार ०९:५० बजे प्रकाशित
