सुदूरपश्चिम ११ तिलोत्तमा गोल्ड कपको उपाधि जित्नबाट सडन डेथमा चुक्यो,उप विजेतामा सीमित
२२ औँ तिलोत्तमा गोल्ड कपको उपाधि मनाङ मर्स्याङ्दी क्लबले चुमेको छ ।
शनिवार भएको फाइनल प्रतियोगितामा सुदूरपश्चिम ११ लाई सडन डेथमा पराजित गर्दै मनाङले २२ औँ संस्करणको उपाधि उचालेको हो ।
उपाधिसँगै मनाङले नगद ११ लाख ११ हजार १११ रुपैयाँ प्राप्त गरेको छ । उपाधिका लागि लडेको सुदूरपश्चिम ११ ले भने ६ लाख ६६ हजार ६११ प्राप्त गरेको छ ।
५८ औँ मिनेटमा कोफिट टोमिटेले गोल गर्दै मनाङ मर्स्याङ्दी क्लबलाई अग्रता बनाएपनि त्यो अग्रता लामो समय टिक्न सकेन ।
खेलको ७० औँ मिनेटमा सुदूरपश्चिम ११ का लागि फागुराम थारुले गोल गर्दै खेललाई १–१ बराबरीमा पुराएका थिए ।
त्यसपछिको समयमा कुनै पनि थप गोल हुन सकेन र खेलको निर्णय पेनाल्टीमार्फत लिइएको थियो । पेनाल्टी पनि बराबरी भएपछि खेल सडन डेथमा पुगेको थियो ।
तिलोत्तमा गोल्डकपमा पहिलोपटक मनाङ र सुदूरपश्चिम फाइनलमा पुगेका टीम हुन् ।
११ चैत २०७९, शनिवार २१:०५ बजे प्रकाशित
