तिलोत्तमा गोल्डकपको उपाधिको लागि आज सुदूरपश्चिम ११ मनाङ मर्स्याङ्दीसँग भिड्ने
बुटवलमा जारी २२औं तिलोत्तमा गोल्डकपको उपाधिका लागि आज मनाङ मर्स्याङ्दी क्लबसँग सुदूरपश्चिम ११ भिड्दै छ ।
बिहीबार पेनाल्टीबाट मनाङलाई ४—३ गोलले हराउँदै मनाङ मर्स्याङ्दी फाइनलमा पुगेको थियो भने बुधवार थ्री स्टार क्लबलाई १—० गोल अन्तरले पराजित गर्दै सुदूरपश्चिमले फाइनलमा आफ्नो स्थान सुरक्षित गरेको हो ।
यी दुबै बिचको खेल आज रोचक हुने अनुमान गरिएको छ ।
दुई विभागीयसहित ८ टिम सहभागी प्रतियोगिताको विजेताले ११ लाख ११ हजार १११ रुपैयाँ नगद पुरस्कार पाउने छन् ।
गोल्डकपको उपविजेताले ५ लाख ५५ हजार ५५५ रुपैयाँ पुरस्कार पाउनेछ । सर्वोत्कृष्ट खेलाडीले एक लाख रुपैयाँ वा एक थान मोटरसाइकल पुरस्कार पाउँदा उत्कृष्ट फरवार्ड, गोलरक्षक, मिडफिल्डर, डिफेन्स र कोचले जनही ३० हजार रुपैयाँ नगद पुरस्कार पाउनेछन् ।
यस्तै प्रत्येक खेलका म्यान अफ द म्याचले ११ हजार १११ रुपैयाँ पुरस्कार पाइरहेका छन् ।
११ चैत २०७९, शनिवार ०८:२७ बजे प्रकाशित
