कैलाली धनगढी उपमहानगरपालिका–३ बोराडाँडीमाबाट प्रहरीले एक लाख रुपैयाँसहित चार जना जुवाडे पक्राउ गरेको छ ।
चन्द फास्टफुडको कोठामा जुवा खेलिरहेको अवस्थामा चार जनालाई पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक कुलदीप चन्दले जानकारी दिए ।

पक्राउ पर्नेमा वीरेन्द्र चन्द, शेरबहादुर थापा, धन बहादुर खड्का र खडग बहादुर महरा रहेको प्रवक्ता चन्दले बताए । पक्राउ परेका एक जना फास्टफुड सञ्चालक हुन् ।

उनीहरुको साथबाट प्रहरीले एक लाख चार हजार रुपैयाँ समेत बरामद गरेको छ ।

२८ फागुन २०७९, आइतवार २१:०८ बजे प्रकाशित