सर्लाहीमाको बागमती नगरपालिका–४ डाबरी टोलबाट अवैध लागूऔषध गाँजासहित एक जनालाई प्रहरीले पक्राउ गरेको छ ।

हिजो (आइतबार) अवैध लागूऔषध गाँजा २ सय ५० ग्रामसहित उनलाई पक्राउ गरेको इलाका प्रहरी कार्यालय हरिवनले जानकारी दिएको छ ।

पक्राउ पर्नेमा सोही ठाउँ बस्ने ३८ वर्षीय वीर बहादुर डिमडुङ रहेको प्रहरीले जनाएको छ । ईलाका प्रहरी कार्यालय हरिवनबाट खटिएको प्रहरीले उनलाई उक्त लागूऔषधसहित फेला पारी पक्राउ गरेको हो ।

२ माघ २०७९, सोमवार १२:५० बजे प्रकाशित