रौतहटमा मोटरसाइकल दुर्घटना हुँदा एकजनाको मृत्यु
रौतहटको गुजरा नगरपालिका–९, अमतवामा मोटरसाइकल दुर्घटना हुँदा एकजनाको मृत्यु भएको छ । एकजना घाइते छन् ।
मोटरसाइकल चालक गुजरा–१, मनहर्वाका ३२ वर्षीय तुफानी माझीको मृत्यु भएको हो । उनको उपचारका क्रममा चन्द्रपुर अस्पतालमा मृत्यु भएको जनाइएको छ । दुर्घटनामा सोही मोटरसाइकलमा पछाडि सवार २० वर्षीय सजकि माझी पनि घाइते भएका छन् । उनको चन्द्रपुर अस्पतालमै उपचार भइरहेको छ ।
गए राति करिब साढे १ बजे तुफानीले चलाएको ना४०प ५०३० नम्बरको मोटरसाइकल अनियन्त्रित भई सडकमा पल्टिएको प्रहरीचौकी सिमराभवानीपुरले जनाएको छ ।
८ पुस २०७९, शुक्रवार ११:०३ बजे प्रकाशित
