चितवनमा नरभक्षी बाघलाई नियन्त्रणमा लिइयो
चितवनको खैरहनीस्थित कुमरोज मध्यवर्ती सामुदायिक वनबाट नरभक्षी बाघलाई नियन्त्रणमा लिइएको छ ।
चितवन राष्ट्रिय निकुञ्जको टोलीले उक्त भाले बाघलाई मंगलबार बिहान नियन्त्रणमा लिएको निकुञ्जका प्रमुख संरक्षण अधिकृत हरिभद्र आर्चायले जानकारी दिए ।
गत आइतबार बिहान सो बाघको आक्रमणबाट खैरहनी १३ वैरियाका ६५ वर्षीय नारायण दाहालको मृत्यु भएको थियो । बाघले थप क्षति नपुर्याओस् भनेर स्थानीयको माग बमोजिम नियन्त्रणमा लिइएको आर्चायले बताए ।
बाघ नियन्त्रणका लागि दुई दिनदेखि प्रयास थालिएको थियो । बाघलाई अहिले खोरमा राखिएको छ ।
२१ वैशाख २०७९, बुधवार ०७:३८ बजे प्रकाशित
