कैलालीको धनगढी उपमहागरपालिका वडा नम्बर –६ जालीमा आज बिहान ३२ बर्षीय युवक मृत फेला परेका छन् । जिल्ला प्रहरी कार्यालय कैलालीका प्रहरी नायव उपरिक्षक डिएसपी बेद प्रकाश जोशीका अनुसार धनगढी उपमहागरपालिका २ सन्तोषी टोल घर भएका मनोज जोशी मृत फेला परेका हुन् ।

डिएसपी जोशीका अनुसार घटना स्थलमा उनले नै प्रयोग गरेको मोटर साईकल पनि भेटीएकोे छ । ‘शरिरमा बाहीर देखिने कुनै चोटपटक छैन डिएसपी जोशीले भने,’ ओभर डजका कारण मृत्यु भएको हुन सक्छ । ’ प्रारम्भीक अनुसन्धानमा मृतक युवक लागुऔषध प्रयोगकर्ता रहेको  देखिएको छ ।  शव अहिले सेती प्रादेशिक अस्पतालमा राखिएको छ । घटनाको बारेमा अनुसन्धान भईरहेको प्रहरीले जनाएको छ ।

८ वैशाख २०७९, बिहीवार १०:३४ बजे प्रकाशित