त्रिभुवन विमानस्थलबाट २० हजार डलरसहित एक जना भारतीय नागरिक पक्राउ परेका छन् ।नेपालबाट दुबई जाँदै गरेका ४५ वर्षीय शतिस प्रसोत्तम सज्नानीलाई २० हजार १ सय ५० अमेरिकी डलरसहित पक्राउ गरिएको विमास्थल सुरक्षा कार्यालयका प्रमुख एसएसपी भीम ढकालले जानकारी दिए ।

विशेष सूचनाका आधारमा मंगलबार उनलाई विमानस्थलबाट पक्राउ गरिएको उनले बताए । उनको साथबाट २० हजार १ सय ५० अमेरिकी डलरका साथै ३१ हजार नेपाली रुपैयाँ, ईङल्याण्ड पाउण्ड ५, जर्जिया लारी ५० र एक सय भारतीय रुपैयाँ पनि बरामद भएको ढकालले बताए ।

११ फागुन २०७८, बुधवार १४:०२ बजे प्रकाशित