सरकारले पेट्रोलियम पदार्थको मूल्य वृद्धि गरेको विरोधमा आन्दोलित बनेको एमाले निकट अनेरास्ववीयु कैलालीले सरकारी गाडी चल्न रोकेको छ । आन्दोलनका पूर्वघोषित कार्यक्रम अनुसार अनेरास्ववियु कैलालीले शुक्रबार सरकारी गाडी चल्नमा अवरोध गरेको हो ।

विरोध कार्यक्रमको अवज्ञा गर्ने सरकारी गाडी चल्न नदिने र चलाइएको पाइएका साँचो नियन्त्रणमा लिने अनेरास्ववीयु कैलालीका संयोजक किशोर शाहले बताए । उनले अनेरास्ववीयुको केन्द्रीय कमिटिको निर्देशनवमोजिम जिल्लामा विरोधका कार्यक्रम सञ्चालन भइरहेको बताए ।

अनेरास्ववीयु र राष्ट्रिय युवा संघ नेपालले यसअघि बुधबार धनगढीमा विरोध प्रर्दशन गर्दै प्रधानमन्त्री शेरबहादुर देउवाको पुत्ला समेत जलाएका थिए ।

२१ माघ २०७८, शुक्रवार १०:५० बजे प्रकाशित