नेकपा (एमाले) को विद्यार्थी संगठन अनेरास्ववियूले सुदूरपश्चिम प्रदेशको आन्तरिक मामिला तथा कानुन मन्त्रालय अगाडि कालो झण्डा सहित प्रदर्शन गरेको छ ।

आन्तरीक मामिला तथा कानुन मन्त्रालय मन्त्रालयको कार्यालय रहेको धनगढी स्थित पार्क चोक अगाडी पुगेर उनिहरुले कालो झण्डा सहित प्रदर्शन गरेका हुन् । उनीहरूले ‘स्थानीय तहको निर्वाचन मिति तत्काल घोषणा गर’ भन्दै नाराबाजी समेत गरेका थिए ।

एमालेले संविधान र वर्तमान कानुनबमोजिम नै स्थानीय तहको निर्वाचन हुनुपर्ने बताउँदै आएको छ भने सत्ता गठबन्धनले जेठभित्र स्थानीय तहको निर्वाचन गर्ने सहमति गरेको छ ।

१८ माघ २०७८, मंगलवार १७:३७ बजे प्रकाशित