स्वास्थ्य उपचारका लागि बिदेश गएका माओवादी केन्द्रका नेता वर्षमान पुन सोमबार स्वदेश फर्कने भएका छन्। उनी गत असोजमा उपचारका लागि थाइल्यान्ड प्रस्थान गरेका थिए भने त्यतैबाट चीन पुगेका थिए । उनी आगामी सोमबार बेलुका ८ बजे उनी नेपाल फर्किने स्वकीय सचिव सन्तोष पुनले जनाए ।

स्वकीय सचिव पुनका अनुसार नेता वर्षमानलाई चीनको थर्ड पिपुल्स हस्पिटल अफ सेनजेनले स्वास्थ्यमा सुधार भएसँगै डिस्चार्ज गरेको थियो । नेता पुन पार्टीको आठौं महाधिवेशनमा पनि आउन सकेका थिएनन् ।

उनकै आग्रहमा माओवादीको पदाधिकारी चयनको प्रक्रियामा पनि स्थगित भएको थियो ।माओवादीले पुन आएपछि मात्र प्रक्रिया अघि बढाउने तयारी थालेपनि कोभिडको कारण अनिश्चित बनेको छ ।

८ माघ २०७८, शनिवार १६:१३ बजे प्रकाशित