सेती प्रादेशिक अस्पतालमा गरिएको परीक्षणमा थप १७६ जनामा कोरोना भाईरस पुष्टि भएको छ । पछिल्लो २४ घण्टामा २८२ नमुना परीक्षण गर्दा थप १७६ जनामा संक्रमण पुष्टि भएको अस्पतालका सुचना अधिकारी दिलीपकुमार श्रेष्ठले जानकारी दिए ।

यस्तै २४ घण्टामा १ जना संक्रमित निको भई अस्पतालबाट डिस्चार्ज भएका छन् । भने थप ६ जना नयाँ कोरोना संक्रमित अस्पताल भर्ना भएका छन् ।

हाल अस्पतालमा १४ जना संक्रमित उपचाररत छन् । ती मध्ये दुईजनाको आइसियुमा उपचार भइरहेको अस्पतालले जनाएको छ ।

८ माघ २०७८, शनिवार १५:२४ बजे प्रकाशित