नेपाल फोटोग्राफर्स एशोसिएसन धनगढी उपसमितिले फोटोग्राफर्स दिवसको अवसरमा दृष्टी फाउण्डेसनलाई निर्माण तथा सरसफाइ सामग्री सहयोग गरेको छ । १ सय ८२ औँ विश्व फोटोग्राफी दिवसको अवसरमा उपसमितिले फाउण्डेसनलाई सिमेन्ट तथा सरसफाइका लागि आवश्यक सामाग्री वितरण गरेको हो ।

धनगढी उपमहानगरपालिका –७ मा रहेको अनाथ एवम् असहाय महिला तथा बालबालिकाहरुलाई संरक्षण गर्दै आएको दृष्टी फाउण्डेसनलाई निर्माण सामाग्री सहयोग गरेको नेपाल फोटोग्राफर्स एशोसियसन धनगढी उपसमिति संयोजक टोपप्रसाद आचार्यले बताए ।

यस्तै दिवसको अवसरमा क्याम्पस चोकमा पाँच सय पिस मास्क वितरण गरिएको उनले जानकारी दिए ।कार्यक्रममा धनगढी उपसमितिका संयोजक तथा धनगढी उपमहानगरपालिका भित्र रहेका बिभिन्न फोटो स्टूडियोका संचालकहरुको सहभागीता रहेको थियो ।

३ भदौ २०७८, बिहीवार १९:१९ बजे प्रकाशित