देशभर २४ घण्टामा थप ४८ जनामा कोरोना भाइरस (कोभिड–१९ं) संक्रमण पुष्टि भएको छ। योसहित देशभरमा कोरोना भाईरसका संक्रमितको संख्या २ लाख ७५ हजार ११८ पुगेको छ। २४ घन्टामा २५ सय १२ स्वाब नमूना परीक्षण गराउँदा ४८ जनामा कोरोना संक्रमण देखिएको हो।

यस्तै शुक्रबार थप ६१ जना डिस्चार्ज भएका छन्। योसहित हालसम्म कोरोना निको हुुुुनेको संख्या २ लाख ७१ हजार १७७ पुगेको स्वास्थ्य मन्त्रालयले जानकारी दिएको छ।

मन्त्रालयका अनुसार देशभर ९२९ जना सक्रिय संक्रमित रहेका छन्। अहिलेसम्म कोरोनाबाट मृत्यु हुनेको संख्या ३ हजार १२ पुगेको मन्त्रालयले जनाएको छ। शुक्रबार कोरोनाबाट कसैको पनि मृत्यु भएको छ।

यसैगरी अहिले ५१ जना क्वारेन्टिन र ९२९ जना आइसोलेसनमा रहेको मन्त्रालयले जनाएको छ।

२८ फागुन २०७७, शुक्रवार १६:०७ बजे प्रकाशित