नेपाल रेडक्रस सोसाइटी धनगढी शाखाले आफ्नो स्थापना दिवसको अवसरमा ५०औं स्वर्ण जयन्ती मनाउने भएको छ । यही फागुन २६ गते स्वण जयन्ती समारोह मनाउने सोमबार पत्रकार सम्मेलनको आयोजना गरी जानकारी दिइएको छ ।

५० औ स्वर्ण जयन्तीको अवसरमा रेडक्रसका जन्मदाता जँ हेनरी ड्युनाको अद्र्धकदको शालिकको अनावरण समेत गरिने नेपाल रेडक्रस सोसाइटी धनगढी शाखाका मन्त्री लोकराज जोशीले बताए । स्वर्ण जयन्तीका दिन विशान प्रभात फेरी गरेर सम्मानको कार्यक्रमसमेत गरिने उनले जानकारी दिए ।

नेपाल रेडक्रसको स्थापना भएको करिब सात वर्षपछि कैलाली जिल्लामा २०२७ साल फागुन २६ गते सो शाखाको स्थापना भएको हो । नेपाल रेडक्रस सोसाइटी स्थापनाकाल २०२० देखि नै बिभिन्न मानवीय सेवामूलक कार्यहरु सञ्चालन गर्दै आइरहेको छ ।

५० औ स्वर्ण जयन्ती समारोहमा सुदूरपश्चिम प्रदेशका मुख्यमन्त्री, मन्त्रीहरु, प्रदेश सांसदहरुलगायतको उपस्थिति रहने नेपाल रेडक्रस सोसाइटी धनगढीले जनाएको छ ।

२४ फागुन २०७७, सोमवार १७:०६ बजे प्रकाशित