म्यानमारमा भएको सैनिक ‘कु’बारे संयुक्त राष्ट्रसंघले चासो लिएको छ । यस विषयमा छलफल गर्न आज संयुक्त राष्ट्रसंघ सुरक्षा परिषद्को ‘आपतकालीन’ बैठक बस्दै छ।

बैठकले म्यानमारको मामिलामा आवश्यक निर्णय गर्ने तयारी गरेको बीबीसीले जनाएको छ।

अमेरिकाका राष्ट्रपति जो बाइडनले म्यानमार सेनाले सत्ता नछोडे कडा कदम चाल्ने चेतावनी दिएका छन् । नेत्री आङ सान सुची, राष्ट्रपतिसहित त्यहाँका नेताहरूलाई गिरफ्तार गरिएकामा आपत्ति जनाउँदै उनले सेनाविरुद्ध आवश्यक कदम चालिने चेतावनी दिएका हुन्।

बाइइडनेले म्यानमारका सेनालाई तत्काल सत्ता छोड्न आग्रह गरेका छन्।

२० माघ २०७७, मंगलवार ०८:५६ बजे प्रकाशित