जबरजस्तीकरणीको आरोप्मा रामेछापको मन्थली नगरपालिका वडा नम्बर १० का वडाध्यक्ष पक्राउ परेका छन्।

महानगरीय प्रहरी वृत ठिमीको टोलीले जिल्ला प्रहरी कार्यालय रामेछापसँगको समन्वयमा वडाध्यक्ष भरत बहादुर बोहरालाई पक्राउ गरेको हो ।

बोहराबिरुद्ध जबर्जस्ती करणी मुद्दा दर्ता गरिएपछि उनलाई पक्राउ गरिएको महानगरीय प्रहरी वृत ठिमीका डिएसपी ऋषिराम कँडेलले बताए ।

रामेछापबाट पक्राउ गरेर उनलाई भक्तपुर ल्याइएको छ । बोहरासँग पूर्वपरिचित महिलाले १० दिनअघि ठिमी स्थित डेरामा आफुलाई बलात्कार गरेको भन्दै उजुरी दिएकी छिन् ।

मदिरा सेवन गरेर बलात्कारको उजुरी परेपछि प्रहरी पीडितको डेरामा पुगेको थियो । रक्सीले मातेर उनले बलात्कार गरेको पीडितको दावी छ ।

अदालतबाट म्याद लिएर बोहरामाथि अनुसन्धान गरिने डिएसपी कँडेलले बताए ।

११ माघ २०७७, आइतवार ०९:४६ बजे प्रकाशित