धनगढीस्थित सेती प्रादेशिक अस्पतालको प्रयोगशालामा गरिएको परीक्षणमा आज थप ६९ जनामा कोरोना संक्रमण पुष्टि भएको छ । संक्रमितमध्ये ३४ जना कैलालीका मात्रै छन् ।

सेती प्रादेशिक अस्पताल प्रयोगशालामा शनिबार २६१ नमूना परीक्षण गर्दा कैलालीका ३४, कञ्चनपुरका ३०, डोटीका दुई, बझाङ, बैतडी र दार्चुलाका एक÷एक जनामा कोरोना संक्रमण पुष्टि भएको अस्पतालका सूचना अधिकारी श्रेष्ठले जानकारी दिए।

उनकाअनुसार कैलालीमा देखिएका संक्रमितमध्ये धनगढी उप–महानगरपालिकाका १८ जना छन् । त्यस्तै टीकापुर नगरपालिकाका आठ जना, कैलारी गाउँपालिकाका सात जना र गोदावरी नगरपालिकाका एक जनामा संक्रमण देखिएको छ।

यस्तै कञ्चनपुरको भीमदत्त नगरपालिकाका १४ जना, शुक्लाफाँटा नगरपालिकाका १० जना, बेदकोट नगरपालिका र बेलौरी नगरपालिकाका तीन÷तीन जनामा संक्रमण पुष्टि भएको सूचना अधिकारी श्रेष्ठले जानकारी दिए ।

२७ मंसिर २०७७, शनिवार १६:१५ बजे प्रकाशित