कुलमान बाहिरएसंगै विद्युत कटौती बढ्यो, आज पनि हुँदैछ विद्युत कटौती
नेपाल विद्युत प्राधिकरणका कार्यकारी निर्देशकबाट कुलमान घिसिङ बाहिरिएसँगै विद्युत कटौती बढेको छ ।
मर्मतसम्भार लगायतका प्राबिधिक समस्याले विद्युत कटौती गर्नु परेको प्राधिकरणले जनाएको छ । उर्जा, जलस्रोत तथा सिंचाई मन्त्रालयले सूचना दिएर मात्रै विद्युत कटौती गर्न निर्देशन दिए पनि सुधारका अन्य उपायबारे निर्देशन दिएको छैन ।
प्राधिकरणका निमित्त कार्यकारी निर्देशक लेखनाथ कोइरालाका अनुसार चुस्तरूपमा सिस्टम नबनेसम्म यो समस्या कायमै रहने बताउँछन् । यस्तो समस्या विगतमा पनि रहेको उनले बताएका छन् ।
नेपाल विद्युत् प्रधिकरणले आज शनिबार पनि देशका विभिन्न स्थानमा विद्युत कटौती गरेको छ ।
शुक्रबार प्राधिकरणले निकालेको सूचना अनुसार आज उपत्यकाका तीन वटै जिल्ला ९काठमाडौँ, भक्तपुर र ललितपुर०का विभिन्न स्थान तथा काभ्रे, सुनसरी र धनकुटामा विद्युत कटौती हुने जनाएको छ ।
सुनसरीको धरान तथा इटहरीका विभिन्न क्षेत्रमा ७ बजेबाटै विद्युत कटौती भइसकेको छ । कैलालीमा पनि विद्दुत कटौती गर्ने जनाएको छ ।
२४ असोज २०७७, शनिवार ०८:१५ बजे प्रकाशित
