सुदूरपश्चिममा थप तीन जनामा कोरोना संक्रमण
धनगढी, असार २८ । सुदूरपश्चिममा थप तीन जनामा कोरोना संक्रमण पुष्टि भएको छ। सेती प्रादेशिक अस्पतालका सूचना अधिकारी दिलीपकुमार श्रेष्ठकाअनुसार कैलालीको मोहन्याल गाउँपालिका, कैलारी गाउँपालिका र दार्चुलाको नौगाढ गाउँपालिकाका १–१ जना गरी थप तीन जनामा कोरोना सङ्क्रमण पुष्टि भएको हो।
सङ्क्रमित हुनेमा मोहन्याल गाउँपालिका वडा नम्बर ३ का ४६ वर्षीय पुरुष, कैलारी गाउँपालिका ७ का २५ वर्षीय पुरुष र दार्चुलाको नौगाढ गाउँपालिका ७ का २८ वर्षीय पुरुष रहेका छन्।
सूचना अधिकारी श्रेष्ठकाअनसार सुदूरपश्चिममा पछिल्लो २४ घण्टामा २ सय ६३ जनाको परीक्षण गरिएको थियो ।
२८ असार २०७७, आइतवार १०:२० बजे प्रकाशित
