सुदूरपश्चिममा सलह किरा संकलन गरेर ल्याए प्रतिकिलो २५ रुपैयाँ दिइने
धनगढी, असार १४ । सुदूरपश्चिममा सलह किरा संकलन गरेर ल्याए किसानलाई प्रतिकिलो २५ रुपैयाँ दिइने निर्णय गरिएको छ ।
भूमि कृषि तथा सहकारी मन्त्रालय अन्तर्गत गठन भएको तत्काल उद्दार समितिले आइतबार यस्तो निर्णय गरेको हो । यद्यपि सुदूरपश्चिममा अहिलेसम्म सलह किरा भित्रिएको छैन ।
मन्त्रालयले सलह किरा रोकथामका लागि पूर्वतयारी स्वरुप यस्तो निर्णय गरेको प्रदेश कृषि निर्देशनालय दिपायलका प्रमुख यज्ञराज जोशीले बताए ।
उनले सलह किराबाट आत्तिनु पर्ने अवस्था नभएको भएपनि सजक भने हुनुपर्ने उनको भनाई छ ।
सलह किरा सानो झुन्डका रुपमा नेपालमा पूर्वबाट भित्रिसकेको छ ।
१४ असार २०७७, आइतवार ०९:५९ बजे प्रकाशित
