सेती अस्पतालको आईसोलेसनमा रहेका १६ जना डिस्चार्ज
धनगढी,जेठ ११ । सेती प्रादेशिक अस्पतालको आईसोलेसनमा रहेका १६ जनालाई डिस्चार्ज गरिएको छ । उनिहरुको रिर्पोट नेगेटिभ आएपछि आज डिस्चार्ज गरिएको अस्पताल स्रोतले जानकारी दिएको छ ।
अस्पतालका सूचना अधिकारी दिलिपकुमार श्रेष्ठले आईसोलेसनमा भर्ना भएका धनगढी उपमहानगरपालिका तीन जना, बैतडीका पाँच जना, डोटीका दुईजना, अछामका दुईजना, डडेल्धुराका एक, कञ्चनपुरका एकजना र बझाङका दुईजना डिस्चार्ज भएको बताए।
भारतबाट फर्केएर गौरीफन्टा नाकामा आरडीटी पोजेटिभ देखाएपछि अस्पतालको आईसोलेसन वार्डमा भर्ना गरि गरिएको पिसिआर परिक्षणमा १६ जनाको रिपोट नेगेटिभ आएपछि डिस्चार्ज भएका हुन्।
११ जेठ २०७७, आइतवार ०२:५६ बजे प्रकाशित
