सौर्य एयरका पाइलट शाक्यलाई नर्मल वार्डमा सारियो
साउन ९ गते सौर्य एयरको विमान दुर्घटनामा घाइते भएका पाइलट मनिषरत्न शाक्यलाई आईसीयूबाट नर्मल वार्डमा सारिएको छ।
काठमाडौं मेडिकल कलेज तथा शिक्षण अस्पतालले जनाएको छ । क्याप्टेन शाक्यलाई बिहीबार साँझ आईसीयूबाट क्याबिनमा सारिएको हो ।
बुधबार भएको दुर्घटनामा विमानमा रहेका १९ जनामध्ये क्याप्टेन शाक्य मात्र जीवित रहेका छन् ।
उनलाई बिहीबार साँझै आईसीयूबाट बाहिर निकालिएको अस्पतालले जनाएको छ ।
शाक्यको अनुहार, आँखा, नाक, टाउकोमा चोटहरू, ढाडको एउटा हडी र देव्रे पट्टि तीन वटा करंगहरू भाँचिएको थियो ।
काठमाडौंबाट पोखरा जान लागेको आफ्नै कम्पनीका कर्मचारी बोकेको विमान त्रिभुवन विमानस्थलभित्रै दुर्घटनामा परेको थियो ।
सो दुर्घटनामा परेका एकाघरका तीनसहित १८ जनाले ज्यान गुमाएका थिए । ज्यान गुमाउने १८ मध्ये १७ जना पुरुष र एक जना महिला छन् । १७ जना पुरुषमध्ये एक जना विदेशी नागरिक हुन् ।
११ साउन २०८१, शुक्रवार १५:५३ बजे प्रकाशित
