बैंक तथा वित्तीय संस्थाबाट कुनै पनि सेवा लिनुअघि सोसँग सम्बन्धित सम्पूर्ण सर्त तथा सोबापत लाग्ने सम्पूर्ण शुल्कका बारेमा बुझेर मात्र सेवा लिन नेपाल राष्ट्र बैंकले आग्रह गरेको छ ।

बैंक तथा वित्तीय संस्थाले सेवाग्राहीलाई वित्तीय सेवासम्बन्धी सर्त, शुल्क, हर्जाना, जरिवाना, कमिसन आदिका बारेमा सरल एवं स्पष्ट भाषामा निःशुल्क रूपमा जानकारी उपलब्ध गराउनुपर्ने व्यवस्था गरिएकोतर्फ पनि राष्ट्र बैंकले ध्यानाकर्षण गराएको छ ।

कसैको बहकाउमा लागेर सम्पूर्ण जानकारी नलिई यस्ता सेवा लिन नहुने राष्ट्र बैंकको भनेको छ । “बैंक तथा वित्तीय संस्थाबाट कुनै पनि सेवा लिनुअघि सोसँग सम्बन्धित सम्पूर्ण सर्त तथा सोबापत लाग्ने सम्पूर्ण शुल्कका बारेमा बुझेर र विभिन्न संस्थाका सेवाहरू दाँजेर आफूलाई उपयुक्त हुने सेवा मात्र लिनुपर्दछ ।

ग्राहकलाई सम्पूर्ण विषय सरल भाषामा बुझाएर मात्र व्यावसायिक सम्बन्ध स्थापना गर्नु बैंक तथा वित्तीय संस्थाको दायित्व हो, सूचनामा उल्लेख छ ।

८ वैशाख २०८०, शुक्रवार ११:५५ बजे प्रकाशित