सुदूरपश्चिममा माओवादी संसदीय दलको दोस्रो दिनको बैठक सुरु, सर्वसम्मत नेता चयन गर्ने दाबी
कैलाली । माओवादी सुदूरपश्चिम संसदीय दलको दोस्रो दिनको बैठक सुरु भएको छ।
आज बिहान ९ बजेको लागि बोलाएको बैठक करिब डेढ घण्टा ढिलो सुरु भएको हो । आजै दलको नेता सर्वसम्मत चयन गर्ने माओवादी केन्द्रले दाबी गरेको छ । बैठक संसदीय दलको कार्यालयमा बसिरहेको छ । बैठकमा माओवादीका सबै ११ सांसद उपस्थित छन् ।
प्रदेश अध्यक्ष हरिराम चौधरी उत्सव र केन्द्रीय विरभान चौधरी पनि संसदीय दलको बैठकमा सहभागी छन् । अहिले सम्म प्रदेश इन्चार्ज खगराज भट्ट र केन्द्रीय सदस्य ओम विक्रम भाटले दलको नेतामा दाबी राखेका छन् ।
१७ पुस २०७९, आइतवार १०:५१ बजे प्रकाशित
