लिउड अभिनेता सुशान्त सिंह राजपुतको निधन भएको दुई वर्षभन्दा बढी भइसकेको छ । तर, उनको निधनको कारणबारे अहिले पनि भारतमा चर्चा भइरहेको छ ।

मुम्बई प्रहरीले सुशान्तले आत्महत्या गरेको बताएको थियो । तर, उनको परिवार यसमा सहमत हुन सकेको थिएन । परिवारले सुशान्तको हत्या भएको बताएको थियो ।

अब फेरि यो घटनामा नयाँ मोड आएको छ ।

उनको शवको पोस्टमार्टममा संलग्न एक अधिकारीले उनको हत्या भएको बताएका छन् । यस्तो बताउने अधिकारी हुन्, रुपकुमार शाह ।

१४ जुन २०२० मा सुशान्त उनकै अपार्टमेन्टमा मृत भेटिएका थिए ।

अब रुपकुमारले भारतीय एक टिभीमा कुरा गर्दै सुशान्तको घाँटीमा केही निशानाहरु भएको र यसले उनको हत्या भएको प्रमाणित हुने बताएका हुन् ।

१२ पुस २०७९, मंगलवार ०६:१६ बजे प्रकाशित