धनगढी, असार १०
सेती प्रादेशिक अस्पतालको मेडिकल वार्डमा एक पुरुषको मृत्यु भएको छ। मृत्यु हुनेमा बैतडीको मेलौली नगरपालिका वडा नम्वर ३ का ४७ बर्षीय पुरुषको मृत्यु रहेको जनाइएको छ ।

उनलाई अस्पताल ल्याएपछि डायलासिस गराउनका चिकित्सकहरुले सुझाव दिएका थिए । कोरोना परीक्षण नहुँदासम्म डायलासिस गर्न नमिल्ने भनिएपछि तीन दिनसम्म कोरोना परीक्षण नभएपछि मंगलवार राति उनको मृत्यु भएको जनाइएको छ ।

सेती अस्पतालमा डायलासिस वार्ड सञ्चालन गर्दै आएको बिरगं हेल्थ केयरका व्यवस्थापक दीपक भट्टले भने डायलासिस गराउन पर्ने जानकारी मंगलवार मात्रै आएको बताए । मृतको मंगलवार साँझ भने कोरोना परीक्षणका लागि स्वाब संकलन गरीएको भएपनि रिर्पोट आउन भने वाकी छ।

१० असार २०७७, बुधवार ०५:०५ बजे प्रकाशित