सरकारले नेपाल प्रहरीको २९ औं आईजीपीमा धीरजप्रताप सिंहलाई नियुक्त गरेको छ।मन्त्रिपरिषद्को आजको बैठकले गृह मन्त्रालयको प्रस्तावमा सिंहलाई आईजीपी नियुक्त गर्ने निर्णय गरेको हो ।

सिंह प्रधानमन्त्री शेरबहादुर देउवानिकट मानिन्छन्। देउवाकै जोडबलमा उनले बाजी मारेको चर्चा प्रहरी संगठनभित्र छ। वरीयतामा भने एआईजी विश्वराज पोखरेल सबैभन्दा अगाडि थिए। त्यसपछि सहकुल थापा र तेस्रोमा सिंह रहेका थिए। वर्तमान आईजीपी शैलेश थापा क्षेत्रीले अनिवार्य अवकाश पाउन लागेपछि नयाँ आईजीपी नियुक्तिको निर्णय भएको हो।

१८ वैशाख २०७९, आइतवार १४:४९ बजे प्रकाशित