क्षेत्रीय प्रतियोगितामा सहभागि हुने भलिबल टिमको बिदाई
सुदूरपश्चिम प्रदेश खेलकुद परिषदद्धारा यहि असोज २० गतेदेखि २३ गतेसम्म आयोजना हुने खुल्ला पुरुष भलिबल प्रतियोगितामा दार्चुलाबाट सहभागि हुने भलिबल टिमका खेलाडीहरुको बिदाइ गरिएको छ । गत आइतबार जिल्ला सदरमुकाम खलंगामा क्षेत्रीय टिमका लागि छनोट भएका खेलाडीहरुलाई आवश्यक सुझाब, निर्देशन र शुभकामनासहित विदाइ गरिएको भलिबल प्रशिक्षक भोजराज जोशीले जानकारी दिए ।
भलिबलको क्षेत्रीय प्रतियोगिताका लागि दार्चुलाबाट छनोट भएका खेलाडीहरुमा नवराज सिह धामी शैल्यशिखर, अंगतसिह ठगुन्ना मार्मा, सुरज लुहार महाकाली, दिलेन्द्रप्रसाद भट्ट व्यास, बलदेब सिह धामी मालिकार्जुन, उमेश धामी व्यास, नविन पाल शैल्यशिखर, पुष्कर ठगुन्ना नौगाड, देबेन्द्र ठगुन्ना नौगाड, जनक साउद शैल्यशिखर बैकल्पीक, उमेश कार्की महाकाली बैकल्पीक, हरिश कुवँर दुहुँ बैकल्पीक रहेका छन् ।
दार्चुलाबाट ९ जना खेलाडी, १ जना प्रशिक्षक र १ जना टिम व्यवस्थापकलाई सफलताको शुभकामना सहित महाकाली नगरपालिकाबाट बिदाइ गरिएको जिल्ला खेलकुद विकास समिति दार्चुलाका अध्यक्ष उमेशराज जोशीले जानकारी दिए ।
१८ असोज २०७८, सोमवार १८:३३ बजे प्रकाशित
