हथौडा प्रहार गरी हत्या गरेको आरोपमा एक जना पक्राउ
बैतडीमा हथौडा प्रहार गरेर हत्या गरेको आरोपमा प्रहरीले एक जनालाई पक्राउ गरेको छ ।
जिल्लाको दोगडाकेदार गाउँपालिका – ३ सिलेगाडा बस्ने २२ वर्षीय नारायाण भुलले कलौन बस्ने १५ वर्षीय महेश भुलको टाउकोमा हथौडा प्रहार गरेको आरोप लागेको छ।
घटना शनिबार मध्यान्ह १२ बजेतिरको हो। मृतकको टाउकोमा चोट छ। घटनाबारे टेलिफोनबाट सूचना प्राप्त भएपछि खोंचलेक प्रहरी चौकीबाट खटिएको टोलीले उनलाई पक्राउ गरेको छ ।
घटनाबारे अनुसन्धान भइरहेको प्रदेश प्रहरी कार्यालयका प्रवक्ता वरिष्ठ प्रहरी उपरीक्षक मुकेश सिंहले जानकारी गराए।
४ वैशाख २०७८, शनिवार १४:०६ बजे प्रकाशित
