पछिल्लो समय प्रचण्डबाट टाढिएका उद्योगमन्त्री लेखराज भट्ट प्रधानमन्त्री केपी शर्मा ओलीले बोलाएको गुटको भेलामा सहभागी भएका छन् ।

आइतबार प्रतिनिधिसभा विघटन गराएका ओलीले सोमबार बिहान आफूपक्षको रणनीति बनाउन प्रधानमन्त्री निवास बालुवाटारमै भेला बोलाएका छन् ।

भेलामा पूर्वमाओवादी समूहका भएपनि पछिल्लो सयम प्रचण्डको साथ छाडेका मन्त्री भट्ट बैठकमा सहभागी हुन् । भट्ट ओलीकै लहरमा महासचिव विष्णु पौडेलसँगै देखिएका छन् ।

ओलीको कदमको विरोध गर्दै नेपाल–प्रचण्ड समूहकासहित ७ जना मन्त्रीले राजीनामा दिएपनि भट्टले दिएका छैनन् । त्यसैगरी गृहमन्त्री रामबहादुर थापाले पनि राजीनामा दिएका छैनन् । तर थापाले भने सो भेलामा सहभागी भएका छैनन् ।

६ पुस २०७७, सोमवार १२:५१ बजे प्रकाशित