कैलालीको गौरीगंगा नगरपालिकाबाट दुई लाख २३ हजार नगदसहित प्रहरीले पाँच जना जुवाडे पक्राउ गरेको छ ।

गौरीगंगा–६ मा रहेको कृष्ण बहादुर खडकाको कुखुरा फर्म भित्र जुवा खेलिरहेको अवस्थामा २ लाख २३ हजार ५ सय नगद सहित उनीहरूलाई पक्राउ गरिएको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले बताए ।

पक्राउ पर्नेमा गौरीगंगा–६ का ६० वर्षीय भक्तबहादुर शाही, सोही ठाउँका ३६ वर्षीय रङ्ग शाही, ४२ वर्षीय रामबहादुर साउँद, ४५ वर्षीय डम्बर शाही र ५२ वर्षीय वीरबहादुर साउँद छन् ।

गोप्य सूचनाका आधारका सुदूरपश्चिम प्रदेश प्रहरी कार्यालय दिपालय, जिल्ला प्रहरी कार्यालय र मातहतबाट खटिएको प्रहरीको संयुक्त टोलीले राति साढे ९ बजे उनीहरूलाई पक्राउ गरेको हो ।

१२ कात्तिक २०७७, बुधवार १२:४२ बजे प्रकाशित