सुनकुडा क्याम्पसमा अनेरास्ववियुको प्यानल सहित विजयी
रबझाङको सुनकुडा क्याम्पसमा स्ववियु निर्वाचनमा अनेरास्ववियुको प्यानल सहित विजय भएको छ ।
आइतबार सम्पन्न निर्वाचनमा क्याम्पसको स्ववियू सभापतिमा एमाले निकटको अनेरास्ववियुका नेता दिलिप अधिकारी विजयी भएका हुन ।
अधिकारीले नेपाल विद्यार्थी संघका योगेन्द्र मल्ललाई ५१ मतले पराजित गरेका हुन् । अधिकारीले १५५ मत ल्याउँदा नेविसंघका मल्लले १०४ मत ल्याए ।
यस्तै सचिवमा अनेरास्ववियू प्यानलका ललित स्याँडा र कोषाध्यक्षमा भानुभक्त जोशी विजयी भएका छन् ।
सदस्यहरुमा अनेरास्ववियुका जानकी अधिकारी, बेल्मती बिष्ट, संगिता कुमारी बोहरा, दिपा कुमारी भण्डारी र राम बिक निर्वाचित भएका छन ।
क्याम्पसमा जम्मा ३०४ जनाले मतदान गरेका थिए ।
६ चैत २०७९, सोमवार ०९:३० बजे प्रकाशित
