भूकम्पमा परेकाको उद्धार तथा उपचारमा खटिन मुख्यमन्त्री रावलको निर्देशन

कैलाली । सुदूरपश्चिम प्रदेशका मुख्यमन्त्री राजेन्द्र रावलले बाजुरा बझाङ लगायत सुदूरपश्चिम प्रदेशका जिल्लामा भूकम्पले पुराएको क्षतिका बिषयमा गम्भीर बन्न सुरक्षा निकायलाई निर्देशन दिएका छन् ।

आज सुरक्षा निकायका प्रमुखहरूलाई निर्देशन दिँदै मुख्यमन्त्री रावलले ती जिल्लामा भएको क्षतिको विवरण संकलन र उद्धारमा खटिन निर्देशन दिएका हुन् ।

आज दिउँसो २ बजेर ४३ मिनेटमा बाजुराको मेला केन्द्रबिन्दु भएर ५.९ रेक्टर स्केलको भूकम्प गएको थियो । भूकम्पमा परेर घाइते भएकाहरूको उपचारमा खटिन मुख्यमन्त्रीले निर्देशन दिएका छन् ।

बाजुरा र बझाङका दर्जनौ घरमा क्षति पुराएको छ । एक सम्म एक जनाको ज्यान गएको प्रहरीले जनाएको छ । यकिन विवरण अझै आउने क्रम जारी छ ।
मुख्यमन्त्री रावलले भूकम्पका पराकम्पनहरु आउन सक्ने भन्दै प्रहरीलाई चनाखो रहन निर्देशन दिँदै स्थानीयलाई सुरक्षित रहन आग्रह गरेका हुन् ।


१० माघ २०७९, मंगलवार २२:३४ बजे प्रकाशित

प्रतिक्रिया दिनुहोस्

सम्बन्धित शीर्षकहरु