डोटीको प्रदेशसभा २ मा माओवादी केन्द्रका ओली विजयी
डोटीको प्रदेशसभा २ मा नेकपा माओवादी केन्द्रका शिव सिं ओली विजयी भएका छन् । उनले नेकपा एमालेका उम्मेदवार टेक सिं बमलाई ९ सय १९ मतान्तरले पराजित गरेका हुन् । यसबारे आधिकारिक रुपमा घोषणा गर्न भने बाँकी छ ।
ओलीले १४ हजार ४७ मत ल्याएका थिए भने नेकपा एमालेका उम्मेदवार टेक बमले १३ हजार १ सय २८ मत प्राप्त गरेका छन् । ओली नेकपा माओवादी केन्द्रका जिल्ला संयोजक हुन् ।
सुदूरपश्चिम प्रदेश सरकारका मुख्यमन्त्री त्रिलोचन भट्टका मुख्य स्वकीय सचिव रहेका ओलीले अन्तिम चरणमा भट्टलाई हटाउँदै लोकतान्त्रिक वाम गठबन्धनका साझा उम्मेदवारका रुपमा उठेका थिए ।
७ मंसिर २०७९, बुधवार १३:१३ बजे प्रकाशित
