धनगढीको माया मेट्रो अस्पतालमा कञ्चपुरकी एक महिलाले तिम्ल्याहा बच्चा जन्माएकी छन्। कृष्णपुर नगरपालिका–२ बाणिकी २४ वर्षीया गौमती कुँवरले बिहीबार राति ११ बजे दुई छोरा र एक छोरीलाई जन्म दिएकी हुन्। अस्पतालका अनुसार आमा र बच्चा स्वस्थ छन्।

गर्भवती भएको सात महिनामै गौमतीले शल्यक्रियामार्फत तिम्ल्याहा बच्चालाई जन्म दिएकी हुन्। जन्मेका शिशुहरूको तौल १.६, १.६ र १.५ किलो रहेको छ।

तिम्ल्याहा बच्चालाई जन्म दिने गौमतीलाई र उनका श्रीमान् गणेशबहादुर कुँवरलाई बधाई दिनेको लर्को लागेको छ।

१७ असार २०७९, शुक्रवार २१:२३ बजे प्रकाशित