रकम नभएको खाताको एक करोड २० लाख रुपैयाँको चेक काटेका एक व्यक्तिलाई दुई वर्ष कैद सजाय गरिएको छ । चेक बाउन्स गरेको आरोपमा उनी दोषी ठहर भएका थिए ।

बिगो बराबरको रकम र बिगो भराउ मितिसम्मको ब्याज तिर्न काठमाडौं जिल्ला अदालतले २०७७ माघ २५ गते काभ्रेको चौरीदेउराली गाउँपालिका– ९ स्थायी घर भई ललितपुरको पुल्चोक बस्दै आएका ४९ वर्षीय नाम्गेल दोर्जे लामालाई उक्त सजाय दिएको हो ।

तोकिएको मितिमा सम्पर्कमा नआएको र फैसलासमेत कार्यान्वयन नगरेको भन्दै उनलाई दुई वर्ष कैद सजाय गरेको छ । प्रहरीको केन्द्रीय अनुसन्धान ब्युरो (सीआईबी)ले नाम्गेललाई गत मंगलबार पक्राउ गरेर फैसला कार्यान्वयनका लागि अदालत पेश गरेको थियो ।

१६ असार २०७९, बिहीवार १५:१८ बजे प्रकाशित