घट्यो सुन र चाँदीको भाउ
नेपाली बजारमा बुधबार सुन र चाँदीको भाउमा गिरावट देखिएको छ। नेपाल सुनचाँदी महासंघका अनुसार सुनको भाउ मंगलबारको तुलनामा प्रतितोला ८ सय रुपैयाँले घटेको हो।
यससँगै छापावाल सुनको भाउ प्रतितोला ९७ हजार २ सय रुपैयाँमा झरेको छ। तेजावी सुनको भाउ पनि ९६ हजार ७ सय रुपैयाँमा आइपुगेको छ।
बुधबार चाँदीको भाउ पनि प्रतितोला २० रुपैयाँले घटेको छ। चाँदी प्रतितोला १२५० रुपैयाँमा कारोबार भइरहेको छ।
१८ जेठ २०७९, बुधवार १२:४० बजे प्रकाशित
