पर्यटन मन्त्री आलेद्वारा तारागाउँ विकास समितिका अध्यक्ष न्यौपाने बर्खास्त
संस्कृति, पर्यटन तथा नागरिक उड्डयनमन्त्री प्रेमबहादुर आलेले तारागाउँ विकास समितिका अध्यक्ष प्रह्लाद न्यौपानेलाई बर्खास्त गरेका छन् ।
शेयर विवाद र जग्गा लिज प्रकरणको विवाद टुंग्याउने सरकारी प्रयासमा असहयोग गरेको आरोप लगाउँदै अध्यक्ष न्यौपानेलाई मन्त्री आलेले बर्खास्त गरेका हुन् ।
उनलाई १३ जेठको मिति राखेर बर्खास्त गरिएको पत्र थमाइएको छ । न्यौपाने अहिले कार्यालयमा छैनन् । १३ जेठको मिति पत्रमा भए पनि आज मात्रै दर्ता भएको हो ।
सरकारी स्वामित्वमा रहेको १५४ रोपनी जग्गा हायात होटेललाई भाडामा दिएको विषयमा विवाद रहँदै आएको थियो ।
यो विवाद टुंगो लगाउन अध्यक्ष न्यौपानले असहयोग गरेको भन्दै मन्त्री आलेले उनलाई बर्खास्त गरेका हुन् ।
१६ जेठ २०७९, सोमवार १३:२० बजे प्रकाशित
