काठमाडौं महानगरपालिकाको मेयर पदमा स्वतन्त्र उम्मेदवारी दिएका र्‍यापर बालेन शाहले चुनाव चिह्न ‘लौरो’ पाएका छन् । चुनाव चिह्न ‘लौरो’ पाएपछि बालेनले  ‘बुढाबुढीलाई टेकाउन मिल्ने, भ्रष्टाचारीलाई सेकाउन मिल्ने’ भन्दै उत्साहवर्द्धक प्रतिक्रिया जनाएका छन् ।

मुख्य निर्वाचन अधिकृतको कार्यालयले शनिबार उनलाई चुनाव चिह्न ‘लौरो’ प्रदान गरेको हो ।चुनाव चिह्न पाएपछि बालेनसहित उनका समर्थकहरूले प्रचार अभियानलाई थप तीव्रता दिएका छन् ।

‘बुढाबुढीलाई टेकाउन मिल्ने, भ्रष्टाचारीलाई सेकाउन मिल्ने’, बालेनले आफ्नाे चुनाव चिह्न ‘लाैराे’काे प्रचार गर्दै सामाजिक सञ्जाल फेसबुकमा लेखेका छन् ।

१७ वैशाख २०७९, शनिवार १४:२१ बजे प्रकाशित