सुदूरपश्चिम प्रदेशमा शुक्रबार थप ३० जनामा कोरोना संक्रमण पुष्टि भएको छ। स्वास्थ्य निर्देशनालय दीपायलले सार्वजनिक गरेको तथ्यांकअनुसार १ हजार ३९ जनाको परीक्षण गर्दा आज ३० जनामा संक्रमण पुष्टि भएको हो।

पछिल्लो २४ घण्टामा दुइ कोरोना संक्रमितको मृत्यु भएको छ। धनगढीको सेती प्रादेशिक अस्पतालमा पछिल्लो २४ घण्टामा २ कोरोना संक्रमितको मृत्यु भएको छ । मृत्यु हुनेमा एकजना कैलाली र एक जना कञ्चनपुरका रहेका छन् ।

सेतीमा उपचाररत गोदावरी नगरपालिका –४ का ८२ बर्षिय बृद्ध पुरुष र पुनर्वास नगरपालिका – ७ का ८० बर्षिय बृद्ध पुरुषको मृत्यु भएको अस्पतालका सूचना अधिकारी दिलिप कुमार श्रेष्ठले जानकारी दिए ।

६ फागुन २०७८, शुक्रवार १८:२९ बजे प्रकाशित