गोदावरी नगरपालिकाकी उपप्रमुख रत्ना कडायतले नेकपा एकीकृत समाजवादी को पक्षमा सनाखत गरेकी छन् ।उनले आइतबार प्रदेश निर्वाचन कार्यालय धनगढी पुगेर समाजवादीको पक्षमा सनाखत गरेकी हुन । गोदावरी नगरपालिकामा एमालेबाट निर्वाचित जनप्रतिनिधि ३२ जना छन् ।

ती मध्य ५ जनाले समाजवादी रोजेका छन् । नगरपालिकाकी उपप्रमुख रत्ना कडायत , वडा नम्बर ५ का वडा अध्यक्ष कर्ण बोहरा, वडा सदस्य कमल सिं राना , वडा नं ६ का वडा सदस्य धन बहादुर खड्का , वडा नं ३ की सदस्य रामपत्ति चौधरीले समाजवादी रोजेका छन् ।

विगतमा माधव नेपाल समूहमा रहेका वडा नम्बर ११ का वडाध्यक्ष शिव बिक भने सनाखत गर्न आइतबार गएनन् । वडाध्यक्ष शिव विकले अहिले कुन पार्टी रोज्ने निर्णय नगरेको र भोलि सम्म टुङो लाग्ने बताए ।

२० भदौ २०७८, आइतवार १८:१२ बजे प्रकाशित