धनगढीका सञ्जय राना हातहतियार खरखजना मुद्धामा दोषी ठहर भएका छन्। कैलाली जिल्ला अदालतका न्यायाधिस खेमराज भट्टको ईजलासले उनलाई दोषी ठहर गरेको हो।

उनलाई डेढ वर्ष कैद र १५ हजार जरिवानाको फैसला सुनाइएको छ। हातहतियार खरखजना मुद्धामा दोषी ठहरिएका रानालाई ठगी र कागजात किर्ते मुद्धामा भने सफाई पाइएको छ।

गत वर्ष भदौमा प्रहरीको केन्द्रीय अनुसन्धान ब्युरोको टोली र जिल्ला प्रहरी कार्यालय कैलालीले धनगढीको चटकपुरबाट चार थान पेस्तोलसहित धनगढी उप–महानगरपालिका वडा नम्बर ६ मटियारीका सञ्जय राना र सोही ठाउँका कमल बिक र वडा नम्बर ३ का रुद्रप्रसाद अधिकारीलाई प्रहरीले पक्राउ गरेको हो ।

बिकले सफाई पाएका छन् भने, अधिकारीलाई ठगी र किर्तेमा दोषी ठहर गरिएको छ। उनीहरुबाट प्रहरीले चार थान पेस्तोल, सुन, तमसुक, राष्ट्र बैंकका नक्कली कागजात, विभिन्न व्यक्तिका नाममा काटिएका र खाली गरि ५७ वटा चेक र विभिन्न कार्यालयका छाप समेत बरामद गरेको थियो ।

१६ माघ २०७७, शुक्रवार १५:२१ बजे प्रकाशित