आज स्वदेश फर्किँदै प्रचण्ड
नेपाल कम्युनिस्ट पार्टी (नेकपा) को प्रचण्ड–नेपाल समूहका अध्यक्ष पुष्पकमल दाहाल प्रचण्ड शनिबार भारतबाट स्वदेश फर्किने भएका छन् ।
प्रचण्ड पुस २० मा पत्नी सीता दाहालको उपचारका लागि मुम्बई गएका थिए । मुम्बईमा ५ दिन पत्नी सँगै रहेका प्रचण्ड शनिबार स्वदेश फर्कन लागेका हुन् ।
पत्नी सीता दाहालको उपचारका लागि भारतको मुम्बई पुगेका प्रचण्ड शनिबार साँझ काठमाडौं आइपुग्ने उनको सचिवालयले बताए ।
प्रचण्ड पत्नी सीता लामो समयदेखि बिरामी छिन् । यसअघि विभिन्न अस्पतालमा उपचार गराउँदै आएको सीतालाई यसपटक मुम्बई लगिएको हो ।
सीतालाई उपचारकै क्रममा छोडेर प्रचण्ड स्वदेश फर्कने उनको सचिवालयले जानकारी दिएको छ । उपचारका क्रममा सीतासँग उनका छोरी रेणु र गंगा दाहाल रहने जानकारी दिएको छ ।
२५ पुस २०७७, शनिवार ११:३६ बजे प्रकाशित
