नेपालमा आज थप ६५९ जनामा कोरोना भाइरसको संक्रमण पुष्टि भएको छ।

सोमबार विभिन्न प्रयोगशालामा गरिएको परीक्षणमा थप ६५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

योसँगै नेपालमा कोरोना संक्रमितको संख्या २ लाख ५८ हजार ८४० पुगेको छ । हालसम्म २ लाख ५० हजार ५८१ जना संक्रमणमुक्त भएका छन्। पछिल्लो २४ घण्टामा ७१८ जना कोरोनालाई जितेर डिस्चार्ज भएका छन्।

यस्तै, पछिल्लो २४ घण्टामा कोरोना संक्रमणबाट सात जनाको मृत्यु भएको छ। योसँगै कोरोना संक्रमणबाट अहिलेसम्म मृत्यु हुनेको संख्या १८३२ पुगेको छ।

१३ पुस २०७७, सोमवार १६:२५ बजे प्रकाशित