नेपाल सरकारद्वारा प्रतिबन्धित विप्लव नेतृत्वको नेकपाका सेती महाकाली ब्यूरो इन्चार्ज गणेश ढकाललाई प्रहरीले कैलालीबाट पक्राउ गरेको छ ।

जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक बिष्टले ‘असल’ भनिने सेती महाकाली ब्यूरो इन्चार्ज ढकाललाई लम्कीचुहा नगरपालिकाबाट पक्राउ गरिएको बताए । उनका अनुसार ढकाललाई लम्कीचुहास्थित घरबाटै पक्राउ गरिएको हो ।

विशेष सूचनाका आधारमा पक्राउ गरिएका ढकालमाथि अनुसन्धान भइरहेको प्रहरीले जनाएको छ ।

१ पुस २०७७, बुधवार २०:३६ बजे प्रकाशित